Кабак белән дөге пирогы😊
Бик тәмле, йомшак килеп чыга👍
Пешереп карагыз әле😉
Камыр өчен:
1 стакан җылы су( сөт булса да ярый)
0,5 стакан сыек май( эретелгән ак май да ярый)
0,5 чәй калагы тоз
1 аш калагы өеп шикәр комы
0,5 пачка дрожжи (саф момент)
2,5 стакан он
Эчлек өчен:
2 стакан дөге
300-400 гр. кабак
200 гр. йөзем
1 пачка ак май
0,5 чәй калагы тоз
4-5 аш калагы шикәр комы(кем ничек ярата инде)
Камырны яхшылап басабыз ( йомшак була), җылы урынга куеп кабартабыз.
Дөгене, тоз, шикәр комы салынган суда бүрттереп алабыз, кабакны шакмаклап турыйбыз, йөземне яхшылап юабыз һәм барлык ингредиентларны бергә кушып болгатабыз, шикәрен үзегез чамалагыз😉
Камыр кабарып менгәч ике өлешкә бүләбез: зуррак һәм бәләкәйрәк.
Зурысын 4-5 мм. калынлыгында җәеп табага урнаштырабыз, кырыйлары күтәрелеп калсын😊
Эчлекне салып тигезләп җәябез,өстенә кисәкләп ак май салып чыгабыз. Калган камырны җәеп өстен каплыйбыз, ике җәемне бергә, кырыйларын тоташтырып бөреп чыгабыз, капкачның өстен уртадан бәләкәй генә тишәбез👍
Өстенә он, май, шикәр комыннан ясалган умач сибәбез😊
200 градуска җылытылган духовкага тыгып 35-40 минут пешерәбез🤤
Чәйләрегез тәмле булсын 🙏
Рецепт өчен Гөлшат Хисматуллинага рәхмәт 🤗
